Coffee林芊妤宣布誕下第二胎母女平安
林芊妤（Coffee）宣布順利誕下第二胎，並將寶貝女的正面容顏上載網上，表示母女平安。初生BB非常可愛，全身圓碌碌非常有肉，老公翟志榮和大仔翟德彥都十分開心，爭住和家中新成員影相！林芊妤公開4人新全家福，並透露今胎是剖腹生女，她指現時仍未可以落床，但就透露大仔對妹妹勁溫柔。
林芊妤於IG報平安，她表示：「報平安！同時都為大家送上剖腹完嘅第一張全家福，妹妹檢查完暫時健健康康一切安好呀，感恩！而我就到今日都仲係張床休息緊未落得床，真係過左一日先有力氣出Post同大家報平安，另一個重點係彥彥對妹妹真係好溫柔」。
林芊妤補充：「好感激好感激我既婦產科醫生黃凝，由上一胎到今胎都能夠得到你悉心嘅照顧～好幸福，多謝你帶我兩個寶貝安全地嚟到呢個世界」。
