【On.cc】陳凱琳channel明年開始轉型 在讚鄭嘉穎好靚仔
藝人陳凱琳（Grace）今日（10日）出席代言醫美產品活動，她表示已跟品牌合作2年，指女士大都愛美，永遠希望以最美一面示人，她説：「尤其我呢啲生過小朋友會更加注重，可唔可以保持到以前年輕嘅狀態。」她表示醫美現時已相當普遍，認為一點點微調能讓人更有自信及開心，最重要是選擇合適產品。問到有否推介給老公鄭嘉穎？她説：「因為我老公本身係演戲，佢覺得最好有少少紋、可以留多啲表情畀大家，睇起嚟Man啲。」不過她笑指老公也貪靚，會偷偷的用她的護膚品，她覺得從事演藝行業，勤力護膚是必須的，當然身形上也希望能一直保持最佳狀態：「希望再隔一段時間，大家見到仲會話『Keep得好好喎！』會係一句聽到好開心嘅説話。」問她是否覺得老公無論任何時候也是最靚仔？她自爆早前出席活動，差點忍不住回答最靚仔是鄭嘉穎：「我成日都同老公講就係鍾意你靚仔！性格可以再微調，但靚仔Ok，夠用！哈哈！」
陳凱琳好滿意鄭嘉穎個靚仔樣。
談到臨近年尾對較忙，Grace透露正考慮將自家短片頻道的節目在明年開始轉型：「因為覺得邊煮嘢邊傾偈好似有啲兩頭唔到岸，煮得嚟又剪唔到嘉賓嘅分享，諗緊坐定定傾偈或者好玩啲做街訪形式。」她笑指老公經常説她情願犧牲時間也不願停下來。問到會否趁聖誕去旅行？她坦言聖誕人潮多，考慮或會待農曆新年才出行，又表示至今仍未試過帶三個小朋友回加拿大，因覺得長途機小朋友未必適應，考慮等他們再長大一點才帶他們遠行。
自家頻道明年開始轉型。
傾偈同街訪都想做。
