【On.cc】林峯Chok爆會馬來西亞粉絲 孖住宣萱送驚喜藝人林峯前晚於馬來西亞吉隆坡開唱，由於已多時未有到訪當地，故頻頻落台與粉絲互動「還債」，歡呼尖叫聲此起彼落，成功勾起全場觀眾回憶殺﹗甫開場他以經典金曲《愛不疚》登場，及後再聯同舞蹈員跳唱《Not Done With You》、《CHOK》與台下樂迷「熱身」，成功炒熱氣氛。林峯於馬來西亞開騷，吸引大批鐵粉前來撐場。與宣萱深情擁抱，姐弟情盡現。好有默契。林峯今次邀得視后宣萱擔任特別嘉賓，兩人合唱《愛在記憶中找你》。林峯向台下笑說﹕「我第一次同家姐唱歌咋，！之前我哋連卡拉OK都冇合唱過，喺馬來西亞獻出咗第一次﹗」他又趁機為年末推出的《尋秦記》電影版宣傳﹕「今日我哋仲有個重要任務，就係同大家講，呢套電影終於要上映嘞！」宣萱即接口﹕「我哋都等咗6年，大家要去戲院睇呀﹗」萬眾期待表演「椅子舞」。台下觀眾見狀，尖叫聲不絶。林峯落台更衣時，宣萱捱義氣單獨表演，獻唱《流非飛》，且自嘲：「當初話要唱歌，我都唔知應該唱乜，後來有人提醒我，先記番起有唱過呢首歌，頭先（綵排）我睇住歌詞都唱錯，真係好耐冇唱過，可能都係會繼續唱錯﹗」而除了宣萱現身外，佘詩曼、古天樂、張文傑、及伍允龍等都先後出現在演唱會大銀幕上，以主播身份報道「天文台將刮起『林峯風球』」另類登場一樣教粉絲驚喜不已。當演唱《記得忘記》時，大銀幕播出林峯過往的視視作品，他感性表示﹕「入行就快26年，我希望唱多20年、演多20年戲，希望大家都會繼續睇、繼續聽，真係好感激大家嘅支持。」此時有觀眾大喊「由細睇你嘅戲大」，獲林峯大方回應：「我唔介意聽到呢句，仲覺得好溫暖。」演唱會尾聲林峯演繹引起熱話的「椅子舞」，把氣氛推到最瘋狂時刻。
