沙拿相隔非洲盃季軍戰唔到四日時間就趕返球會集合出戰歐聯，體能同狀態都有一定影響。結果五個換人名額，利物浦同馬賽都只係用咗三個，沙拿更踢足全場。佢喺尾段亦都浪費咗個黃金機會，助攻嘅加基普睇眼神就知道唔多高興。而本場其實雙方都有個別球員狀態唔係太好，伊傑迪基與格連活特都錯失唔少機會，後者更有埋門中柱。馬賽需要去到下半場先逐漸搵到感覺，反擊亦逐漸銳利，可惜都係差臨門一腳。防守端就有需要改善嘅地方，包括防守死球。近年面對中近距離普遍都會安排球員「鱷魚躺」，結果馬賽今仗就係無人擔當呢個角色，被索保斯拿爾地波收死魯利（Gerónimo Rulli）。奧比歷第100場歐聯上陣，馬體會作客面對加拉塔沙雷就只能夠擰走一分。賽前表示因傷缺陣嘅大衛路爾斯雖然趕及列入比賽大名單，但最終都係無緣上陣倒戈車路士，佢效力嘅柏科斯亦都以0-1敗北。歐洲聯賽冠軍盃第七比賽日賽事賽果-（Day 2）加拉塔沙雷1-1 馬德里體育會卡拉巴赫3-2 法蘭克福布拉哥斯拉維亞2-4 巴塞隆拿紐卡素3-0 PSV燕豪芬馬賽0-3 利物浦祖雲達斯2-0 賓菲加拜仁慕尼黑2-0 聖基萊斯聯車路士1-0 柏科斯亞特蘭大2-3 畢爾包體育會UCL
