【On.cc】游嘉欣考試比喻人生　靠自修兩科成功入大學

藝人游嘉欣在DSE放榜後，以過來人的經驗在社交網以長文鼓勵考生，並分享自己的座佑銘，以試卷比喻人生說：「其實試卷考題，真係好似人生，因為更難嘅係後面。」不過，關關難過關關過，披荊斬棘，嘉欣續說：「想當年DSE，盡自己努力下輕鬆面對，出嚟成績都比想像中好，可惜離大學都係差一啲啲。不過，都係意料之中，點知喺距離下一年DSE得返半年嘅時候，係別人鼓勵下我自修兩科，最後仲入埋大學。」嘉欣最後成功讀大學並領悟出事在人為的人生道理，她說：「領悟到世事唔係得一次機會，事在人為，好感謝當初鼓勵我嘅人，成就今日嘅我，人生有更多不同嘅體會。」

游嘉欣當年第一次考DSE成績入唔到大學。

之後游嘉欣自修兩科，最後仲入埋大學。

此外，嘉欣又分享考完DSE後，早年也會定時定候發考試「噩夢」，她說：「我每年到考試季都發夢自己喺考場真係太驚嚇，好似讀到大學係場夢咁，唔知有冇人好似我咁呢，近一兩年先停止咗。」最後她分享自己的人生座右銘：「好嘅壞嘅都會過去，回頭一看都不過如是，路還是要走，心態決定一切。」

勵志例子！

游嘉欣曾一度定時定候發考試「噩夢」。