帕爾馬近期有鈴木 彩艷受傷，但土生土長喺帕爾馬呢個城市出世嘅守門員哥維（Edoardo Corvi）今場表現都唔錯，反應、企位都幾好。帕爾馬幾位後防今場都踢得唔錯，華拿利（Emanuele Valeri）門前頭槌解圍嗰一下都好重要。比薩係今季意甲主場入波最少嘅球隊，八場只係入咗一球。尼蘇拿（M'Bala Nzola） 突然發茅踢基達（Mandela Keita）拎紅牌相當不智。比薩好倚靠高空攻勢，死球或者係兩邊傳中，瑞士中場艾比舒查（Michel Aebischer） 嘅長傳轉向係有唔錯嘅效果。廸羅斯執教熱拿亞之後，四場聯賽兩勝兩和，睇來韋拉真係同球隊「八字不合」；21歲英格蘭球員諾頓古菲（Brooke Norton- Cuffy） 射入個人喺意甲嘅第一個入波。烏甸尼斯組織攻勢嘅能力強啲，形勢都係好啲，但埋門嘅銳利程度唔夠。佢哋係今季意甲被判罰十二碼最多嘅球隊，今場輸到今季第五個極刑，兼且主場失波偏多，7場主場聯賽失咗12球。AC米蘭早段患得患失嘅狀態都幾嚇人，兩個難度系數較低嘅失波都完全可以避免，尤其係湯姆尼白白送出嘅十二碼。尼坤古始終狀態唔係太fit，反而韋比奧特嘅表現更加搶眼，入球都相當之靚。落後到0-2嘅時候成隊波先開始覺醒，下半場換入普列錫之後，佢喺攻擊線嘅貢獻為球隊成功攞番三分兼重返榜首；相對而言利奧今場確實有點靜。有傳守門員麥尼安對球隊續約報價不滿，差額去到300萬歐羅，有指高層已經將目標鎖定熱刺嘅域卡利奧。拖連奴近期發展有點不濟，近6場聯賽不勝兼連輸三場，情況都幾麻煩。意甲第14週賽事賽果-薩斯索羅3-1 費倫天拿國際米蘭4-0 科莫維羅納3-1 亞特蘭大基蒙尼斯2-0 萊切卡利亞里1-0 羅馬拉素1-1 博洛尼亞拿坡里2-1 祖雲達斯比薩0-1 帕爾瑪烏甸尼斯1-2 熱拿亞拖連奴2-3 AC米蘭 🇮🇹
