上週末最大焦點肯定落咗喺上田 綺世身上，飛燕諾主場大炒6粒，而呢位日本射手就成為咗本世紀第四位頭鎚帽子戲法嘅球員，球會喺本世紀第二位大四喜球員（飛燕諾球會史上近60年來首位上演大四喜嘅球員）。若非佢禮讓，更有可能入到第五粒… 而佢目前喺聯賽攻入18波，場均1.2波嘅數據已經冠絕歐洲足壇，故媒體亦戲稱佢為「Ayase Europa」。另外，包括PSV燕豪芬、NEC尼美根以及阿積士在內嘅球隊都順利贏出，只有艾克馬亞喺主場失分，其位置與阿積士對調，其餘排名暫時保持不變。荷甲第15週賽事賽果-SBV精英0-2 岡寧根荷連芬0-2 PSV燕豪芬幸運薛達1-3 阿積士賀華高斯1-1 泰斯達飛燕諾6-1 施禾尼烏特勒支1-1 川迪艾克馬亞2-2 伊高斯禾倫丹2-3 NEC尼美根鹿特丹斯巴達1-0 NAC比達 🇳🇱
