女神配对计划丨周嘉全因李芷晴被批世界大兵！

因一事讨厌自己 彻夜难眠内疚感不断涌上 | 星岛头条

女神配对计划丨由有“金牌媒人”之称的林盛斌（Bob）主持的TVB恋爱综艺真人骚《女神配对计划》于6月8日（星期日）播出首集，在节目上，林盛斌与“星级花生团”携手为TVB五大女神梁敏巧（Maggie）、叶蒨文（Sophie）、李芷晴 （Stephanie）、关嘉敏（Carman）及罗毓仪（Yuki）公开招亲搵男友。

周嘉全食柠檬后撰长文称涌出内疚感

在《爱．回家之开心速递》饰演“Elaine”的李芷晴，在首集被暗恋7年的艺人周嘉全公开示爱，但李芷晴当众拒绝并惹来两极的声音，其后周嘉全在《东张西望》主播要求下次示爱，再度食柠檬收场，结果不少将矛头直指李芷晴，周嘉全昨晚（13日）撰长文表示：“内疚感不断咁涌上嚟。”

周嘉全第二集播出之前道出自己感受

参与《铁拳英雄》及《夺命提示》、入行超过十年的周嘉全拎着一副素描画向李芷晴示爱，不过遭李芷晴当众拒爱并说：“其实我一直都冇喺呢方向谂过，因为我哋都几fd，係係少少fd zone咗。”

其后周嘉全说：“其实拣唔拣我，我一直都会咁欣赏妳，而且我会相信妳选择幸福嘅能力，所以我係....唔紧要嘅。我哋由头到尾都未试过有约会，一直都係以朋友身份相处，我头先都讲过，我相信佢选择幸福嘅能力，呢一样我係真心。”周嘉全昨晚（13日）在IG撰长文称决定第二集播出之前道出自己感受，全文如下：

感谢大家嘅comment，每个平台嘅comment我都有睇吓，小红书连登Facebook IG Threads各新闻报道，咩承受我的狂画野，咩世界大兵，咩甚麽都不是你是二等兵士，全部都笑到我肚痛。首先，我完全冇剧本，0，nothing。

无错，我第一次海选个态度好唔同，我完全冇勇气去承认自己锺意芷晴。原来未有互动环节你就要表露心迹。六七部cam影住自己，要面对全香港甚至内地嘅观众，我开唔到口去承认去表白。对于七年嘅友谊，我一直小心翼翼去珍惜。

但係，我返到屋企之后几晚都瞓唔着，内疚感不断咁涌上嚟。另外四位都係非常优秀同善良嘅女仔，但係问我一万次，我可能都係拣李芷晴，点解就冇勇气同其他人承认呢件事？我对于呢个懦弱嘅自己十分之讨厌。

呢个时候，我老窦知道我参加呢个节目，竟然鼓励我放胆去爱。需知道就算我以前读书几咁努力考好成绩，又或者工作上几辛苦得到小进步，我父母从来都唔会有一句慰问或者鼓励。试过电视机播紧我嘅一场主戏，可以望都唔望下，佢哋就係我嘅父母，唔奚落我已经好好。所以，我老窦鼓励我嘅一刻係好震撼，三十一年嚟第一次收到鼓励（虽然佢提议我嘅表白方式我做咗嘅话而家喺警署）。呢一个，係我喺呢个节目得到嘅最大得著。我嗰刻觉得有少少天意主使。

表白呢件事本身只有一个意义，就係话畀对方听佢值得拥有爱。当刻或者将来发生咩事，全部都需要心理准备。我又唔係完美嘅人，凡发生必合理。另外其实好少朋友留意到一点，我虽然当刻好失落，但其实我讲完出嚟好长嘅一段时间我都係keep住好爽，对于敢爱敢恨嘅自己，我好自豪好满意。我好proud of自己，够胆同对方讲佢值得被爱。

昆德拉嘅《笑忘书》里面话过，男人其中一本书係失恋之传记，“最有趣的大概是这一部”、“痛心的充满未竟之可能的历史”，而家我嘅失恋之传记又多咗一页。我当咗係失恋嫁啦，吓点解呀都无恋过。自来也都当纲手係失恋啦，男人係咁㗎。

再者，我学每样野都要打工赚返嚟，我食嘅每粒饭入嘅每滴油入面都有血有汗。曾子话“士不可以不弘毅 任重而道远”。就算我係甚麽出身，我都有我条路要行。几多线演员都要认真对待自己工作。只要仍在努力的事就不算失败。我希望我嘅出现会令大家锺意呢个世界多啲，因为我热爱我嘅生活。

感谢每位观众，我喺呢个节目就好似鞭炮咁啪一声无咗，之后嘅精彩留待其他参加者、用心嘅节目组，同五个好好嘅女仔为大家呈现。

周嘉全获圈中好友和网民都留言鼓励

不少圈中好友和网民都留言鼓励周嘉全，黄建东说：“加油，对自己要有多啲自信。你值得拥有。”“猫仔”黎宽怡亦有留言：“‘是金子埋在哪也会发光！’祝福您呢粒金子不但为人带嚟耀眼嘅光芒，仲会搵到专属您自己嘅幸福，一辈子都能好好去爱与被爱。”还有人说：“今次得著应该比失去多。 得不到有时也不是坏事。”