【On.cc】李克勤唔敢講學霸仔仔與姚焯菲同校：會畀老婆鬧

歌手李克勤、陳曉東、《聲夢》3小花姚焯菲、鍾柔美和詹天文、連詩雅、吳若希、馮允謙、許靖韻、黎展峯和《中年好聲音》歌手古淖文、譚輝智、黃博和張與辰等昨晚(9日)為《星光熠熠耀保良》演出，打頭陣的李克勤演唱《一生不變》和《失魂記》，之後受訪時表示自從《聲夢傳奇》擔任導師後，已幾年冇返「娘家」TVB做節目，心情竟然有點緊張，前日綵排重遇很多幕後熟悉的面孔，感到開心，表示這幾年工作重心放在內地，很掛住香港的歌迷，但間中有返港跟朋友聚會。雖然較少在港，但他有留意歌唱節目《中年好聲音》和《聲秀》，後台亦有被《中聲》歌手集郵，問到《中年好聲音4》今日（10日）舉行海選，可會擔任評審？克勤表示：「唔知，要看緣分，我每年都會做內地大騷，上年做《披荊斬棘4》，之前做《聲生不息》，今年無做，因為節目一做就4、5個月會忙啲，同埋因為今年阿仔要去讀書。」

李克勤今次返「娘家」TVB做節目，大嗌緊張。

李克勤話要阿仔做兼職賺取生活費。

李克勤現年18歲大仔李立仁是超級學霸，有指獲紐約大學藝術學院取錄，將入讀電影電視學系，做李安師弟，克勤沒有否認，只笑笑口表示兒子將出國讀書，暑假就走，他與太太盧淑儀會陪兒子開學，再問是否與姚焯菲（Chantel）同校？克勤笑言不要問，否則會被太太鬧。但可會不捨得兒子？他說：「男仔要捱吓，香港咁幸福，佢喺香港都會閂埋房，有自己世界。（阿仔夠獨立？）佢OK，出外讀書，除咗吸收課本上知識，學做人好緊要，香港小朋友太幸福，要畀佢學吓照顧自己。（太太留耐啲陪阿仔？）唔會，太太要照顧我嘛，阿仔會照顧自己。」克勤直言不會給太多零用錢給兒子，還表示兒子會做兼職賺取生活費，他表示跟兒子約法三章，希望凡事小心為重，問可擔心兒子將來帶外籍女友回來？克勤搞笑說：「呢樣管唔到，為國爭光？佢的將來我唔會理，都18歲啦!」

另外，有傳不續約遭雪藏的歌手炎明熹（Gigi）正在籌備新唱片，傳會由李克勤出任製作人一事，李克勤否認為Gigi搭路，他指《聲夢》是一個大家庭，讚多位又靚唱歌又得，感到好欣慰，直言與Gigi很少見面，只有短訊往來：「不嬲唔會參與他們前途的事，因為每個人有自己天空、世界和路，佢無問我意見，件事唔關我事，問過老闆亦唔關公司事。」

李克勤大仔李立仁被指將同姚焯菲同校。

李克勤咩都唔敢講，話太太盧淑儀會鬧佢。

李克勤澄清冇為炎明熹新唱片搭路，亦唔關公司事。

李克勤