张智霖爆《璀璨之城》停工真相 亲自落场改剧本：对得住观众 | 香港01
TVB新剧《璀璨之城》早前在珠海开镜后，便火速盛传出因剧本问题需要停工，连他的角色需要易角，TVB对此光速澄清否认，监制陈维冠回应事件时称：“我哋返来嚟係想将剧本精益求精，令大家可以演得更加尽啲，演员方面原班人马7月尾就会去澳门同珠海拍摄。”
张智霖今日（23/8）现身元朗出朗百年老字号饼家品牌活动时，就事件接受《香港01》访问时强调：“以我所知，剧集将会在10月尾至11月开工。（是否因为你嘅档期问题要延期？）应该唔存在呢个问题，因为时间上係啱啱好，亦都冇咁辛苦，因为同时要拍内地节目，我惊自己做唔嚟，咁而家我係知自己会做得好。（就係咁档期就啱晒？）真係都係咁啱得咁桥。各样嘢就顺其自然囉，我就觉得冇乜嘢。”
问到TVB是否出好高片酬邀拍剧？张智霖表示：“而家唔係睇呢啲嘢，因为人到某个年纪，未必需要再去讨好任何人，我谂要讨好自己先囉。你係咪真係自己想做，係咪真係有信心做得好，对得住观众，呢啲係我谂嘅一啲嘢囉。（陈维冠搵你一拍即合？）係，因係我都想做呢啲嘢，同埋我有信心做得好，好快就决定咗个合作，但喺雕琢个剧本方面，大家係花咗十二分嘅精神，变咗喺时间上有延误咗少少，就係希望剧本会好啲。因为有时我觉得一套剧嘅成功要面对唔同嘅对手，例如个对手否唔可以同韩剧媲美，又或者可唔可以同其他地方錬，人地如果睇完觉得香港制作好正，变咗呢个目标如果可以Set得咁高，咁样先得嘅。（你係有参与改剧集？）係，因为你会演得比较就手，佢哋亦都好愿意去倾，我觉得共同创作係好正。”
南皇娱乐城
加油