【新舊狂牛各領風騷】
自1950年創辦，圓石灘經典車選美（Pebble Beach Concours d'Elegance）一直係汽車業界頂級傳統象徵。第74屆盛會吸引咗全球車迷齊聚一堂，林寶堅尼亦趁此盛會在概念車展區（Concept Lawn）展出限量版Fenomeno。
在經典車選美競賽中，兩架歷史悠久嘅狂牛脫穎而出。一架係 1965 年在美國交付嘅 350GT，外觀用中灰（grigio medio）配煙草色皮革內飾，至今仍保留原裝設定。
另一架係 1971 年於米蘭交付嘅 Miura SV，原廠用 Rosso Corsa（紅）外觀同黑色內飾，最近於意大利全面復修，重新噴咗金屬綠塗裝。於星期日嘅競賽中，呢架 Miura SV 贏得戰後運動旅行車組別（Postwar Sport Touring）第三名。
兩架經典狂牛都持有林寶堅尼 Polo Storico 經典車修復中心頒發嘅原產地認證證書，呢個認證係要經過詳盡歷史研究同核查。要獲獎，真係一啲都唔簡單。
