【On.cc】羅毓儀孖冼靖峰走入校園 被女同學公開「示愛」
藝人羅毓儀和冼靖峰近日獲慈善基金會之邀，到一所中學出席校園騷，席間眾人表演唱歌之餘又不忘與同學仔互動。羅毓儀更表示這個「第一次」相當難忘：「辛苦你哋（學生）放咗學都排隊同我影相，仲要排到就嚟出禮堂都肯等我，特別有位好熱情嘅女同學尖叫『我愛你』，仲過嚟同我講我值得幸福and give me a hug﹗」
冼靖峰同樣被在場學生們的熱情所感動：「佢哋都好似幾認識我咁，我落台唱歌嗰刻現場反應真係好熱烈，好多人離坐趨前支持我，搞到好似開緊演唱會咁。（嚟緊有乜新工作？）下個月我會同林沚羿去廣州開音樂會，依家都開始準備同綵排喇。」
羅毓儀和冼靖峰坎入校園騷！
羅毓儀嘅第一次。
青春返晒嚟！
即有女同學同佢講「我愛你」。
冼靖峰將與林沚羿到廣州開騷。
