宣萱疑不滿張可頤拍劇遲到 引世紀罵戰惹熱話：當年大家比較細個
宣萱早前成為林家謙演唱會尾場嘉賓成為焦點，被網民重提她曾向傳媒指《難兄難弟》遲咗煞科，全因為張可頤成日遲到搞到拍攝進度受阻，張可頤之後反擊話係因為宣萱成日大笑而不停NG。期後二人更演變成世紀罵戰，一觸即發。舊事再次重新出土，引發外界關注。
宣萱疑不滿張可頤拍劇遲到引世紀罵戰惹熱話，宣萱表示當年大家都比較細個。（吳子生攝）
宣萱今日（27/9）現身荃灣出席無綫新劇《巨搭之后》宣傳造勢活動。對於不和事件被重提，引起網上熱議，宣萱在接受《香港01》訪問時表示：「其實唔使提啦 ，舊聞到冇得到舊聞，講真件事已經係97年嘅事嚟。」
97年宣萱被指與張可頤鬧不和。（吳子生攝）
對於張可頤當年反擊她大笑頻頻NG。宣萱表示：「其實都唔使講咁多，一直我都幾熟讀劇本，我係出名少NG，但咁唔會冇NG，都係偏少嗰啲，咁如果話我係嘅，咁係有NG囉。（佢都有NG啦！）咁都有，不過講真都好小事。記得當年大家都比較細個，好多嘢都未睇得通，同埋當年傳媒係想多一啲嘅新聞，咁將件事搞大啲。（而家都冇變過？）哈哈，但我變咗，咁所以唔需要理太多嘢囉。」
宣萱被指與張可頤鬧不和。（吳子生攝）
宣萱被指與張可頤鬧不和。（吳子生攝）
