《萬千星輝頒獎典2025》的「大灣區最喜愛TVB男、女主角」獎項，賽前戰況相當激烈。最終由佘詩曼與黃宗澤雙雙憑《新聞女王2》分別登上「大灣區最喜愛TVB女主角」及「大灣區最喜愛TVB男主角」，今次均是他們第二度獲此殊榮。佘詩曼上台時開心表示：「真係冇諗過可以咁快再有機會上獎頒獎台，多謝支持我同《新聞女王》嘅每一個你同埋我嘅粉絲，冇你哋就冇第二輯，令我可重遇Man姐咁可愛嘅角色。總之好開心，希望港劇繼續喺唔同地方同地域發揚光大，散發香港劇集精神，為香港爭光。」至於黃宗澤得獎後先跟阿佘攬攬，又與林保怡擊掌，台上他學王敏奕口脗說：「死喇！我都一片空白。」他逐多謝樂易玲，指對方一直以來都視他如兒子般愛錫：「多謝TVB，呢度係我長大同培育我嘅地方，冇TVB冇我黃宗澤，多謝SNK嘅兄弟姊妹，多謝我阿媽，佢唔使我咁多錢，我唔會咁勤力去拍戲，你乖乖地唔好周圍走，因為佢身體唔係咁好。」而《新聞女王2》眾望所歸成「大灣區最喜愛TVB劇集」，總監製鍾澍佳在台上直言：「第二集係好難嘅事，因為第一集有好成績，所以第二集係好辛苦。」一眾演員傍實他上台，黃宗澤更帶同私家相機幫鍾澍佳影相。「大灣區最喜愛TVB綜藝及資訊節目」則由《女神配對計劃》奪得。
